Нисдэг тэрэгний ослоор охины хамт харамсалтайгаар амиа алдсан домогт сагсанбөмбөгчин Коби Брайантын эхнэр Ванесса өчигдөр инстаграмдаа золгүй ослын талаар сэтгэгдлээ оруулжээ. Ослоос хойш анх удаа тэрээр ийнхүү олон нийтэд хандаж мэдээлэл хуваалцаж буй нь энэ юм. Ванесса гайхалтай сайн нөхөр, ухаалаг, бяцхан охиноо гэнэт алдсан хүнд хэцүү үед сэтгэлийн дэм өгч буй сая, сая хүмүүст талархаж буйгаа илэрхийлээд яг одоогийн сэтгэлийн зовлонгоо үгээр илэрхийлж чадахгүй байна гэсэн байв.
“Бие, биедээ маш их хайртай байсан аав, охин хоёр ямартай ч хамт байгаа гэдэг нь миний сэтгэлийг жаахан ч атугай тайвшруулж байна. Тэдэнгүйгээр цаашдын амьдралаа төсөөлөх үнэхээр хүнд байгаа ч Кобе болон, Гиги охиныхоо төлөө өглөө бүр сэрэх болно. Тэднийгээ гэсэн бидний хайр төгсөшгүй бас хэмжээлэшгүй. Бид үргэлж хамт байх болно” гэж Ванесса бичээд ослоор амиа алдсан долоон хүний гэр бүлд эмгэнэл илэрхийлсэн байв.
https://www.instagram.com/p/B77K8XWDY7O/?utm_source=ig_web_copy_link
