Монгол Улсын Үндсэн хуулийн Цэцийн дарга Д.Одбаяр болон түүнийг дагалдан явсан А нар аравдугаар сарын 31-ны Улаанбаатараас Сөүлийн чиглэлийн онгоцоор зорчиж явахдаа онгоцны үйлчлэгч бүсгүйн биед гар хүрч “бэлгийн халдлага” үйлдсэн хэргээр цагдаад баригдсан талаар мэдээлэл өнөө өглөө хэвэл мэдээллийн хэрэгслүүдээр тарсан. Тэгвэл энэ нь үнэн байдалд нийцэхгүй худал мэдээлэл гэж Үндсэн хуулийн цэцийн хэвлэлийн төлөөлөгч мэдэгдлээ. Д.Одбаяр дарга болон албаны бусад хүмүүс Индонез улсад болох олон улсын Цэцийн гишүүдийн хуралд оролцохоор Солонгосоор дамжин зорчиж явсан. Энэ үед Д.Одбаяр даргын арын эгнээнд сууж явсан монгол иргэний гаргасан байж болзошгүй үйлдлийг түүнд хамаатуулах гэж оролдсон.
Иймд Д.Одбаяр дарга энэ талаар холобгдох газарт хандаад байна. Тиймээс ҮХЦ-ийн даргын талаар хэвлэл мэдээллээр гарсан мэдээлэл үнэнд нийцэхгүй болохыг хариуцлагатайгаар мэдэгдэж байна гэж Үндсэн хуулийн цэцээс мэдээллээ.
