“Эрдэнэт үйлдвэр” ХХК-ийн захирал асан Ц.Даваацэрэн болон “Азаргын гол чонот” ХХК-ийн захирал Отгоо нарыг баривчилж, хорих 461 дүгээр ангид цагдан хорьжээ. Авилгатай тэмцэх газар, Эрүүгийн цагдаагийн алба, Тагнуулын ерөнхий газраас “Эрдэнэт үйлдвэр” ХХК-иас 2009-2017 онд оффшор дахь данснууд руу хийгдсэн олон сая долларын гүйлгээг шалгаж байгаа юм. Энэ хүрээнд дээрх баривчилгааг хийсэн байна.
Нарийн зохион байгуулсан, хохирлын дүн өндөртэй тус хэрэгтэй холбогдуулан тухайн үеийн төрийн өндөрлөгүүдийн нэг, Засгийн газрын гол яамны сайд, “Эрдэнэт үйлдвэр”-ийн гадаад улс дахь худалдан авалт хариуцсан ажилтнууд, өөр бусад албан тушаал хашиж байсан эрхмүүдийг ч шалгаж байгаа ажээ.
