Ээжийг нь эзгүйд дөрвөн настай хүүгээ “орондоо шээлээ” гэсэн шалтгаанаар зодож биед нь хүнд гэмтэл учруулсан хойд эцгийн тухай мэдээлэл нийгмийг цочроож олон хүнийг бухимдуулсан.
Тэгвэл дагавар хүүгээ зодож балмад авирласан хойд эцэг Б.Тодзаяад холбогдох шүүх хурал өнөөдөр Баянгол дүүргийн эрүүгийн хэргийн анхан шатны шүүхэд болж түүнд шүүхээс 10 жил хорих ял оноожээ. Ингэхдээ ялыг хаалттай хорих ангид эдлүүлэхээр шийдвэрлэсэн байна. Б.Тодзаяад Эрүүгийн хуулийн тусгай ангийн 11.1 дүгээр зүйлийн 2 дахь хэсгийн 2.1, 2.3 дахь заалтаар яллах дүгнэлт үйлдсэн байна.
Хойд аавдаа зодуулсан хүү нийт наман удаа буюу ГССҮТ-д хоёр удаа, ЭХЭМҮТ-д зургаан удаагийн хүнд, хөнгөн хэлбэрийн хагалгаанд орсон юм.
