Хэнтийн аймгийн нөхөн сонгууль явуулах тогтоол Үндсэн хууль зөрчсөн гэж үзсэн Үндсэн хуулийн цэцийн шийдвэрийн талаар МАХН-аас байр сууриа илэрхийллээ.
МАХН дарга Н.Энхбаяр:
“Үндсэн хуулийн цэц МАН-ын даалгавраар жүжиг тоглолоо. Манай Цэц гэнэт онолын шүүх болж хувирсан. Онолын шүүхийн дагуу ярих юм бол Үндсэн хуулийн гол онол нь ардчилсан тогтолцоо. Ардчилсан тогтолцооны үндэс нь ард түмний сонгох эрх. Энэ онолын дагуу ҮХЦ-ийн гаргасан шийдвэр Үндсэн хуулийг дарангуйллын хууль болгож, Хэнтий аймгийн иргэдийн сонгох эрхийг уландаа гишгэлээ. Онолын шүүх юм бол ард түмний сонгох эрхийг нэгдүгээрт тавих хэрэгтэй. Манай үндсэн хууль дампуурчихсан. Өчигдрийн шийдвэрээр ҮХЦ ч бас дампуурчихсан гэдгээ баталлаа. Цэцийн шийдвэрийн цаад санаа нь МАН, АН намыг л эрх бариулах, сонгуулийг болиулж бусад намын өрсөлдөх эрхийг хааж байна гэж харж байна” гэлээ.
