УИХ-ын 42 дугаар тойргийн нөхөн сонгуульд өрсөлдөх нэр дэвшигчээ тодруулах байсан МАН-ын Бага хурал тодорхойгүй хугацаагаар хойшилжээ.
ҮХЦ-ийн Дунд суудлын өигдрийн хуралдаанаас Хэнтий аймгийн 42 дугаар тойрогт нөхөн сонгууль явуулах тов гаргасан тогтоолыг түдгэлзүүлэх дүгнэлт гаргасан Тэгэхээр УИХ 15 хоногийн дотор ҮХЦ-ийн дүгнэлтийг хүлээж авах эсэхээ шийдэх ёстой бөгөөд хэрэв УИХ цэцийн дүгнэлтийг хүлээж авах шийдвэр гаргавал 42 дугаар тойргийн нөхөн сонгууль болохгүй билээ. Харин хүлээж авахгүй тохиолдолд ҮХЦ-ийн Их суудлын хуралдаанаар энэ асуудлыг хэлэлцэнэ.
Ийнхүү Хэнтий аймгийн 42 дугаар тойрогт нөхөн сонгууль болох эсэх нь эргэлзээтэй нөхцөл байдал үүссэн учир МАН Бага хурлаа хойшлуулсан бөгөөд одоогоор ямар хугацаагаар хойшлуулсан талаар тодорхой хэлэх боломжгүй гэж МАН-ын албаны хүн хэллээ.
