БНХАУ, АНУ-ын худалдааны дайн үргэлжилсээр байна. Энэ дайн буюу хоёр талын сөргөлдөөнд Хятадын “Huawei” компани гол нэгэн бай нь болоод буй. АНУ-ын тал өмнө нь “Huawei” компанийг тагнуулын үйл ажиллагаа явуулдаг, Ираны эсрэг хоригийг зөрчсөн гэх мэт үндэслэлээр шүүхэд хандсан бол энэ удаад “Huawei”-ын тал АНУ-ын эсрэг шүүхэд ханджээ. Тэд АНУ-ын тал тус компанийн бизнесийн амжилтыг ийнхүү үгүйсгэж буйд харамсч буйгаа илэрхийлээд АНУ-ын эсрэг зарга мэдүүлж буйгаа мэдэгдлээ.
“Бойнг” компанийг АНУ-ын засгийн гараас татаас авдаг гэсэн шүүмжлэл байдаг. Тэгвэл үүнтэй адил АНУ-ын тал “Huawei” компанийг БНХАУ-ын Засгийн газраас их хэмжээний татаас авдаг гэж буруутгаж байгаа юм.
1980-аад оны сүүлээр Хятадын орон нутгаас үйл ажиллагаагаа эхлүүлсэн “Huawei” компани өдгөө 180 мянган ажилтантай, 2018 онд гэхэд 100 тэрбум долларын орлого олсон дэлхийн хэмжээний компани болоод байна.
