Гэрэл зураг түүх өгүүлнэ
Дэлхийн II дайныг эхлүүлж, хүн төрөлхтөний эсрэг гэмт хэрэг үйлдсэн хэмээн цоллогддог нацистуудын түүхийг хэн ч мартаагүй. Дэлхийн II дайны уршиг, хор хөнөөлийн талаар хангалттай баримт, гэрэл зураг, киног ч бид мэднэ. Энэ удаад бид дэлхийн II дайны дараа өрнөсөн эмэгтэйчүүдтэй холбоотой нэгэн түүхийн хуудсыг сөхье. Европийг эзэгнэсэн германуудын ноёрхол дуусч дайн өндөрлөсний дараа нацистуудтай холбоо сүлбээтэй байсан “дайсантайгаа учир ургуулагч” эмэгтэйчүүдийг хашраах, шийтгэх, жигших явдал Европын орнуудаар өрнөсөн байдаг. 1944-1945 онд Францад гэхэд 20 мянган эмэгтэйг ийм шалтгаанаар шийтгэн үсийг нь олны өмнө хуссан гэсэн тоо бий. Хятадтай холбогдсон эмэгтэйчүүдийн үсийг хусна гэсэн манай нэг үндсэрхэг хөдөлгөөний үйлдэл ч үүнээс улбаатай. Үсээ хусуулсан эмэгтэйчүүд эх орноосоо урвагчдын тод жишээ болон олны доромжлол, доог тохуу, жигшил зэвүүцлийн бай болж байв. АНУ-ын цэргийн хүчнийг дагалдан 1943-1945 онд Европын орнуудаар явж дайны зураг авсан дайны гэрэл зураг чин гэгдэх Роперт Капагийн энэ түүхийг өгүүлэх эмгэнэлт зургууд ч бий.
