Зөвшөөрөлгүй буусан айлуудыг нүүлгэж, суурьшлын шинэ бүсэд газар олгожээ

Сонгинохайрхан дүүргийн Газрын албанаас 24-р хорооны нутаг дэвсгэр буюу Баянхошуу хайрханы баруун бэлд зөвшөөрөлгүй буусан айлуудыг нүүлгэж дуусчээ. Тус албанаас хийсэн судалгаагаар 80 шахам өрх ямар ч зөвшөөрөлгүйгээр буусан байжээ. Айлуудыг шууд хөөж туух биш дүүргийн нутаг дэвсгэр дэх суурьшлын шинэ бүсэд газар олгох ажлыг 2018 оны хавраас зохион байгуулсан байна. Чөлөөлсөн газарт мод тарьж, иргэдийн эрүүл, ая тухтай байх нөхцөлийг хангасан ногоон бүс болгох ажлыг ч эхлүүлжээ. Хүн амынхаа тоогоор нийслэлд хоёрдугаарт бичигддэг Сонгинохайрхан дүүргийн нутаг дэвсгэрт зөвшөөрөлгүй буусан айлуудыг нүүлгэж, суурьшлын бүсэд шилжүүлэх, моджуулах ажлыг үе шаттайгаар хийхээр төлөвслөснийг Газрын албаны дарга Б.Алтанхундага хэллээ.