Хууль зүй, дотоод хэргийн яамнаас “Гэмт хэргээс урьдчилан сэргийлэх арга хэмжээ”-ний хүрээнд “Согтуурч, мансуурч донтох эмгэгтэй хүмүүсийг сургалтад хамруулах, тэднийг нийгэмшүүлэх” ажлыг хэрэгжүүлж байна. Орон гэргүй архины хамааралтай 70 иргэнд нийгэм-сэтгэл зүйн тусламж үйлчилгээ үзүүлэх, нийгмийн амьдралд ороход нь чиг баримжааг гаргаж өгөх ажлыг төрийн бус байгууллагаар гүйцэтгүүлж байгаа юм.
Тус үйл ажиллагааг сэтгэцийн эмч, сэтгэл зүйч, донтолтын зөвлөхөөр мэргэшсэн мэргэжилтнүүд зохион байгуулж байгаа бөгөөд архинд донтох өвчнөөс өөрийгөө чөлөөлж чадсан эдгэрэлтийн туршлагатай хүнийг оролцуулан онол, практикийг хосуулан явуулж байна.
