Алдарт хөлбөмбөгчин Роналдог нэгэн бүсгүй намайг хүчиндсэн хэмээн мэдэгдсэн нь шуугиан тариад байгаа. Тодруулбал Kathryn Mayorga гэх америк эмэгтэй хөлбөмбөгчнийг 2009 онд Лас Вегасын нэгэн зочид буудалд өөрийг нь хүчирхийлсэн гэсэн юм. Би удаа дараа болиоч гэж хашгирсан ч тэр огтхон ч тоогоогүй гэж бүсгүй хэлсэн. Лас Вегасын Цагдаагийн газар хавтаст хэрэг нээж Kathryn Mayorga-ын өмгөөлөгч энэ талаар анх хэвлэлийн хурал хийсэн юм.
Тэгвэл энэ хэргийн талаар Роналдо твитерээрээ хариу өгчээ. Тэрээр би ийм хэрэг онтхон ч хийгээгүй гэдгээ нухацтайгаар мэдэгдэж байна. “Хүчин бол миний болон би болон миний итгэдэг бүхий л зүйлсэд харшлах жигшмээр гэмт хэрэг. Би нэр төрөө цэвэрлэж авна. Бусдын нэр төрийг зольж жүжиг зохион мөнгө олдог хүмүүсийг би тэжээмээргүй байна ” гэж тэрээр бичжээ.
