Үндэсний их баяр наадмын өдрүүдээр иргэдийг ая тухтай зорчуулах үүднээс энэ сарын 10-ноос 13-ны өдрүүдэд нийт 32 автобус зургаан чиглэлд үнэ төлбөргүй үйлчлэхээр төлөвлөөд байна. Төв цэнгэлдэх хүрээлэн болон Хүй долоон худаг руу зорчих чиглэлийн автобусны маршрутуудыг доорх байдлаар хуваажээ.
Төв цэнгэлдэх хүрээлэн рүү зорчих чиглэлүүд:
- БЭ:1 чиглэл: Мишээл сити-Төв цэнгэлдэх хүрээлэн
- БЭ:2 чиглэл: Дүнжингарав худалдааны төв-Төв цэнгэлдэх хүрээлэн
Хүй долоон худаг руу зорчих чиглэлүүд:
- Хүй7:1 чиглэл: Төв цэнгэлдэх хүрээлэн-Хүй долоон худаг
- Хүй7:2 чиглэл: Сүхбаатарын талбай-Хүй долоон худаг
- БЭ:5 чиглэл: Давааны зөрлөг-Хүй долоон худаг
- БЭ:7 чиглэл: Автозогсоол -Хүй долоон худаг
Дээрх үнэ төлбөргүй нийтийн тээврийн чиглэлүүд нь долдугаар сарын 10-ны өдрөөс 13-ны өдрийг дуустал албан ёсны хуваарийн дагуу иргэдэд үйлчилнэ.
