2026 оны гуравдугаар сарын 31-нд Доналд Трамп сошл сүлжээнд нийтэлсэн мэдэгдэлдээ нефть импортлогч орнуудад хандан хатуу байр суурь илэрхийллээ.
Тэрээр дэлхийн нефтийн тээврийн стратегийн чухал бүс болох Хормузын хоолойн нөхцөл байдалтай холбон, АНУ цаашид бусад орны өмнөөс хамгаалалтын үүрэг гүйцэтгэх ёсгүй гэж мэдэгдсэн байна.
Трамп мэдэгдэлдээ “Нефть хэрэгтэй улс орнууд өөрсдөө очиж авч, өөрсдөө энэ хоолойг хамгаалах ёстой. Яагаад АНУ энэ бүхнийг хийх ёстой гэж?” хэмээн бичжээ.
Та бүхэнд хоёр зөвлөгөө өгье. Нэгдүгээрт, Америкаас аваарай, манайд хангалттай нөөц бий. Хоёрдугаарт, зориг гаргаад Хормузын хоолойн орчимд очоод өөрсдөө авчир” хэмээн бичжээ.
Мөн “Та бүхэн өөрсдийнхөө төлөө тэмцэж сурах хэрэгтэй. Америк цаашид та нарт туслахгүй. Иран үндсэндээ аль хэдийн хүчгүй болсон. Хамгийн хүнд үе шат өнгөрсөн. Өөрсдийнхөө нефтийг өөрсдөө зохицуул” гэв.
Шинжээчдийн үзэж буйгаар, уг байр суурь нь АНУ-ын олон улсын аюулгүй байдлын үүргийг бууруулах, холбоотнуудаас илүү их хариуцлага шаардах бодлогын үргэлжлэл аж. Трамп өмнө нь ч АНУ дангаараа дэлхийн аюулгүй байдлыг хангах ёсгүй хэмээн удаа дараа мэдэгдэж байсан юм.
Хормузын хоолой нь дэлхийн нефтийн нийлүүлэлтийн гол гарц бөгөөд аливаа тогтворгүй байдал нь олон улсын зах зээлд шууд нөлөөлдөг. Иймээс түүний мэдэгдэл нь эрчим хүчний аюулгүй байдал, геополитикийн нөхцөл байдалд анхаарал татаж байна.
Одоогоор уг мэдэгдэлд холбогдох улс орнууд албан ёсны хариу өгөөгүй байна.
