Нийслэлийн хэмжээнд нөөцийн махны жижиглэн худалдааг нэгдүгээр сарын 20-ноос эхлүүлсэн. Үхрийн махыг 15 мянга, хонины махыг 13 мянган төгрөгийн үнээр борлуулж байгаа юм. Иргэдийн эрэлт хэрэгцээнд тулгуурлан нөөцийн махны өргөтгөсөн худалдааг гуравдугаар сарын 4-7-ны өдрүүдэд 10:00-17:00 цагийн хооронд есөн байршилд зохион байгуулахаар болжээ. Ингэхдээ хонины махыг гулуузаар нь килограммыг 13 мянган төгрөгөөр худалдаална. Тодруулбал дараах байршлуудад худалдана. Үүнд:
1. Жуковын талбай
2. Жанжингийн гэрийн буйр
3. Баянгол дүүргийн 6 дугаар хорооны байрны гадна талбай
4. Хос өргөө хотхоны 21 дүгээр байрны урд талд
5. Шинэ Улаанбаатар Драгон терминалын гадна талбай
6. Орбитын тойрог
7. Сүхбаатар дүүргийн 15 дугаар хорооны байрны гадна талбай
8. Титан центрийн авто зогсоол
9. Тусгаар тогтнолын талбай зэрэг есөн байршилд нөөцийн махны өргөтгөсөн худалдааг гаргана.
Энэ жил есөн аж ахуйн нэгжийн бэлтгэсэн нийт 5016 тонн нөөцийн махыг нийслэлийн иргэдийн хаврын улирлын хэрэгцээнд зориулан бэлтгэжээ. Чанар, стандартын шаардлага хангасан гулууз махыг өргөтгөсөн худалдаанаас худалдан авах боломжтой байна.
