ДЦС-IV-ийн дахин нэг зуух гэмтэлтэй ажиллаж байгаа тул зогсоож, засварлах шаардлагатай болсон байна. Энэ талаар тус станцын инженер Б.Баатар “Дөрвөн зуух зогсож болүошгүй үлээлт гэмтэлтэй ажиллаж байсан. Өнөө өглөө авсан мэдээллээр нэг зуухыг яаралтай зогсоох шаардлагатай болсон. Өнөөдөр 22:00 цаг хүртэл ажиллуулж байгаад зогсоохоос аргагүй боллоо. Аваарын байдалд оруулаад параметрыг нь буулгаад ажиллуулаад байсан ч зогсоохоос аргагүй нөхцөл байдалд ирлээ. Нэг зуух зогсооход 100 мВт-аар эрчим хүчний хэрэглээ буурна. Нийт 20 мянган айлын хэрэглээ буюу 10-аад аймгийн төвийг эрчим хүчээр хангах хэмжээгээр буурна” гэлээ.
Эрчим хүчний сайд Б.Чойжилсүрэн “Оргил ачааллыг өнгөрөөгөөд засварыг хийхээр төлөвлөсөн. Засвар 48 цаг үргэлжилнэ. Аль болох эрчим хүчний хязгаарлалт хийхгүй байхыг хичээж байна” гэсэн юм.
