Кубын ерөнхийлөгч Мигель Диаз-Канел АНУ-ын талаар байр сууриа илэрхийллээ. Тэрээр АНУ, Кубын харилцааг урагшлуулахын тулд дайсагнал, заналхийлэл, эдийн засгийн дарамт шахалт биш, олон улсын эрх зүйд суурилсан байх ёстой” гэв.
Энэ нь Трампын Венесуэлийн газрын тос, мөнгө Куба руу орохгүй, коммунистуудын удирддаг арал Вашингтонтой хэлэлцээр хийх ёстой гэсэн мэдэгдэлд өгч буй Кубын хариу юм.
Куба улс албадлагыг тэвчихгүй, бүрэн эрхээ тууштай хамгаална гэж мэдэгдлээ
Куба бол чөлөөт, тусгаар тогтносон, бүрэн эрхт улс. “Бүх зүйлийг бизнес гэж үздэг, тэр ч байтугай амь насыг нь наймаалдаг хүмүүс Куба руу дур зоригоор халдах эрхгүй” гэв.
Мөн ерөнхийлөгч Мигель Диаз-Канел:
Хувьсгал нь Кубын эдийн засгийг хүнд хэцүү байдалд хүргэсэн гэж буруутгаж буй хүмүүс ичих хэрэгтэй. Эдгээр бэрхшээлүүд нь АНУ-ын 60 гаруй жилийн турш Кубад тавьсан хатуу хоригоос үүдэлтэй гэдгийг тэд сайн мэдэж, хүлээн зөвшөөрч байгаа бөгөөд одоо энэхүү сүрдүүлэг улам бүр хүндэрч байна гэжээ.
Куба бол эрх чөлөөт, тусгаар тогтносон, бүрэн эрхт улс юм. Хэн ч биднийг удирдаж чадахгүй. Куба улс түрүүлж дайрдаггүй, АНУ-ын 66 жилийн дайралтад өртсөөр ирсэн. Бид бусдыг заналхийлэхгүй, зүгээр л эх орноо тууштай хамгаалахад бэлэн байна” гэлээ.
