Венесуэлийн Ерөнхийлөгчийн үүрэг гүйцэтгэгч Делси Родригес АНУ-ын Каракас дахь халдлагад амь үрэгдэгсдийн дурсгалд зориулж долоо хоногийн гашуудал зарлалаа.
Тэрээр мягмар гарагт Венесуэлийн VTV телевизэд Венесуэлийг хамгаалж, Ерөнхийлөгч Николас Мадурог хамгаалж амиа алдсан залууст хүндэтгэл үзүүлж, тэдний төлөө долоо хоногийн гашуудал зарлах шийдвэр гаргаснаа дуулгав.
Тэрээр мөн АНУ-ын Нью-Йоркийн Бруклин дахь Метрополитаны хорих төвд хоригдож байгаа Мадуро болон түүний эхнэр Силиа Флорес нарыг буцааж өгөхийг АНУ-д уриалав. Тэд даваа гарагт хар тамхи, зэвсгийн наймааны хэрэгт ямар ч оролцоогүй, буруугүй гэж мэдүүлсэн юм.
“Бид дайнд ороогүй учраас энд дайн байхгүй. Бид түрэмгийлэлд өртөж, халдлагад өртсөн энх тайванч ард түмэн” гэж Родригес нэмж хэлжээ.
Венесуэлийн засгийн газар АНУ-ын халдлагын үеэр амиа алдсан эсвэл шархадсан хүмүүсийн тоог тодорхойлоогүй байгаа ч тус улсын Ерөнхий прокурор болон дээд гурван албан тушаалтан халдлагын үеэрх үхлийг мөрдөн шалгахаар томилогдсон гэсэн мэдээлэл байгаа юм.
