“Reply 1988” цувралын 10 жилийн ой энэ жил тохиож байна. Уг киноны 10 жилийн ойд зориулсан шоу нэвтрүүлгийг tvN телевизээр гаргах юм. Нэвтрүүлэг хийх тухай мэдээлэл гарснаас эхлэн жүжигчин Рю Жүн Ёол болон Хэ Ри нарыг эргэн нийлж магадгүй гэсэн шуугиан тарж эхэлсэн. Тэгвэл тэдний дахин нийлэх тухай таамаг худлаа гэж Кореа Таймс мэдээлжээ.
Цувралын гол дүрийн 15 орчим гишүүн контентоо хийхээр Гангвон муж руу аялсан ч жүжигчин Рю Жүн Ёол “Netflix”-ийн “Rat” киноны зураг авалтын хуваарийн улмаас оролцож чадаагүй байна.
Рю Жүн Ёол нэврүүлэгт хэсэгчлэн оролцсон бөгөөд “Reply 1988” киноны 10 жилийн ойд зориулсан тусгай контент учраас ажлаа зохицуулж зураг авалтын зарим хэсэгт оролцохоор хуваариа тохируулсан байна.
“Reply 1988” нь 2015 оны 11-р сараас 2016 оны 1-р сар хүртэл цацагдсан бөгөөд үзэгчдээс дээд үнэлгээ авсан, үндэсний цуврал гэдгээрээ алдартай.
Жүжигчин Рю Жүн Ёол болон Хэ Ри нар кино зураг авалтын үеэр дотносч зургаан жил буюу 2017 оноос 2023 он хүртэл үерхсэн юм.
“Reply 1988” цувралын 10 жилийн ойд зориулсан тусгай нэвтрүүлгийн хуваарь хараахан тодорхой болоогүй байна.
