Самсунг компани Galaxy XR хэмээх хамгийн сүүлийн үеийн өргөтгөсөн бодит байдлын (XR) төхөөрмжөө танилцууллаа. Galaxy XR нь тэкст, зураг, дуу хоолой, видеог боловсруулах замаар хэрэглэгчид болон төхөөрөмжүүдийн хооронд илүү ойр, бодит харилцаа холбоог бий болгох хиймэл оюун ухаанд суурилсан шинэ хэлбэрийн загвар юм.
Уг төхөөрөмжийг Солонгос, АНУ-д 2.69 сая вон буюу 1880 ам.доллараар худалдаалж байна.
“Galaxy XR нь гар утасны шинэ үеийг бий болгоно. Энэ нь гар утасны хиймэл оюун ухааны хэрэглээг өргөжүүлж, хэрэглэгчдэд хүлээн зөвшөөрөгдсөн өдөр тутмын төхөөрөмж болох болно ” гэж “Samsung Electronics”-ийн Мобайл туршлагын хэлтсийн ахлах захирал Чой Вон Жун хэлэв. “
Энэхүү төхөөрөмж нь Google-ийн шинэ Android XR үйлдлийн систем буюу XR болон multimodal AI технологиудыг нэгтгэх зорилгоор Samsung, Google, Qualcomm нарын хамтран боловсруулсан платформыг ашигласан анхны төхөөрөмж учраас дэлхийн технологийн нийгэмлэгийн анхаарлыг татаж байна.
Төхөөрөмжийн баруун дээд буланд байгаа товчлуурыг дарснаар хэрэглэгчид Google-ийн Gemini AI-г шууд дуудаж, нүд, гар, дуут оролтыг нэгтгэсэн олон талт интерфейсээр дамжуулан чихэвчээ удирдах боломжтой ажээ.
Жишээлбэл, хэрэглэгчид YouTube-ээс тодорхой видео контент хайж олохыг Gemini-ээс дуу хоолойгоороо үүрэг өгч, хайлтын үр дүнгүүдийг нүдний хөдөлгөөн болон хурууны товшилтоороо удирдах боложтой юм байна.
Үүний тулд чихэвч нь гарыг нарийн хянахын тулд урд болон доод хэсэгт зургаан мэдрэгч, камераар тоноглогдсон бөгөөд дөрвөн дотоод камер болон хэт улаан туяаны LED нь нүдний хөдөлгөөнийг нарийн бүртгэдэг ажээ.
Galaxy XR нь 545 грамм жинтэй, зай нь бусад өрсөлдөгч загвартай адил хоёр цаг хагасын хугацаанд ажилладаг.
XR контентын баазыг өргөжүүлэхийн тулд Самсунг компани Adobe, MLB, NBA, Calm, AMAZE зэрэг дэлхийн янз бүрийн түншүүдтэй хамтын ажиллагаагаа өргөжүүлнэ гэж мэдэгдлээ.
