Энэ нь Трампын Хятадад ногдуулах тарифын анхны томоохон хөнгөлөлт болж байна.
АНУ-ын технологийн компаниуд эд ангиа ихэнх нь Хятадад үйлдвэрлэдэг тул худалдааны шинэ тариф гар утас, компьютер зэрэг бүтээгдэхүүний үнийг огцом өсгөх нь гэсэн айдас байсан. Тарифын чөлөөлөлтөд хагас дамжуулагч, нарны зай, санах ойн карт зэрэг бусад электрон төхөөрөмж, эд анги ч багтаж байгаа ажээ.
“Энэ бол технологийн хөрөнгө оруулагчдын мөрөөдлийн хувилбар” гэж Wedbush Securities-ийн технологийн судалгааны дэлхийн ахлагч Дэн Айвс X хуудастаа нийтэлжээ. Apple, Nvidia, Microsoft зэрэг томоохон технологийн фирмүүд болон өргөн хүрээний технологийн салбарынхан энэ мэдээг сонсоод асар их тайвшрах байх гэж тэрээр нэмж хэлжээ.
145 хувийн татвар ногдуулсан тохиолдолд Iphone утасны үнэ 40 гаруй хувь нэмэгдэнэ гэсэн тооцоо гарсан. Мөн шинэ татварын сургаар технологийн компаниудын хувьцааны үнэ ч унаад байсан юм.
