Сонгинохайрхан дүүргийн 20 дугаар хороонд хоёр суудлын автомашин мөргөлдлөө гэсэн дуудлага дөрөвдүгээр сарын 6-ны өдрийн 23:20 цагт холбогдох албаныхан хүлээн авчээ. Дуудлагын дагуу Нийслэлийн Аврах ангийн алба хаагчдыг очиход иргэн Б нь Приус-20 загварын суудлын автомашинаар зорчиж яваад, иргэн Э-гийн Харрер загварын суудлын автомашинтай мөргөлдөж автомашины төмөр эд ангид хавчуулагдсан байжээ.
Алба хаагчид ажиллаж, хавчуулагдсан иргэнийг эсэн мэнд гарган НТТТ-д шилжүүлэн өгсөн талаар ОБЕГ мэдээлэв.
