Пафф Дидди буюу Шон “Диди” Комбст хүчиндүүлж байсан гэх нэгэн шинэ хохирогч гарч иржээ. Тэрээр 2012 онд Нью-Йоркийн нэгэн шөнийн клубт орсон бөгөөд тэр үедээ 17 настай байсан гэнэ. Клубт орсны дараа Дидди түүнийг ширээндээ урьж, хэдэ хэдэн удаа архи шахаж уулгасан тухай тэрээр мэдүүлэгтээ дурджээ.
Уусны дараа манарч, чиг баримжаагаа, ухаан болон биеэ хянах чадвараа алдаж байгаагаа мэдэрсэн. Комбс шөнийн цэнгээний газрын арын өрөөнд намайг хүчиндсэн. Тухайн үед юу болоод байгааг мэдсэн ч зогсоож чадаагүй, тийм чадвар надад байгаагүй гэж хохирогч залуу мэдүүлжээ.
Энэ мэдүүлгийн талаар хариу авахаар BBC агентлагаас Комбсын өмгөөлөгчид хандсан ба өмгөөлөгч “Үнэн ялах болно. Ноён Комбс хэзээ ч эрэгтэй, эмэгтэй, насанд хүрсэн эсвэл насанд хүрээгүй хэнийг ч бэлгийн хүчирхийлэлд оруулж, биеийг нь худалдаалж байгаагүй” гэж хариулсан байна.
Пафф Диддигийн эсрэг өмнө нь хэд хэдэн иргэний гомдол, нэхэмжлэл гаргасан ч тэрээр ус бүрд нь няцааж, гүтгэлэг гэж мэдэгдсээр ирсэн юм.
