АНУ-ын 47 дахь ерөнхийлөгч Доналд Трампын тангараг өргөх ёслолд тэргүүн хатагтай Меланиа Трамп дэгжин бүрх малгайтай, хөх хослолоор гоёсон. Түүний хөх өнгийн дэгжин пальтог минималист, дэгжин загвараараа алдартай Адам Липпес гэх дизайнер урлажээ. Харин малгайг Америкийн загвар зохион бүтээгч Эрик Жавиц урласан байна.
Сүүлийн 10 жилийн хугацаанд өөрийн нэр бүхий брэндтэй болж, Америкийн тансаг хэрэглээг орчин үеийн байдалтай хослуулсан гэж Адам Липппесийг Vogue сэтгүүл дүгнэн бичжээ.
Дизайнер Липпес энэ арга хэмжээ нь Америкийн ардчиллын гоо сайхныг илэрхийлдэг, тэргүүн хатагтай, хатагтай Меланиа Трампыг хувцаслах нэр төрийн хэрэг байлаа гэв.
“Хатагтай Трампын хувцасыг Америкийн шилдэг гар урчууд урласан бөгөөд би ийм бүтээлийг дэлхий нийтэд үзүүлж байгаадаа маш их бахархаж байна. Хатагтай Трампад итгэл үзүүлж, хамтран ажилласанд гүнээ талархаж байна” гэж дизайнер сэтгэгдлээ хуваалцжээ.
Тэргүүн хатагтайн эл хувцаслалтад америкууд ихэнх нь таатай сэтгэгдэлтэй байна. Зарим нь нүүр хэт халхалсан, Трамп үнсэх гэхэд том бүрхээс болж төвөгтэй байсан гэж малгайг шүүмжилсэн юм.
