Паралимпын эмэгтэйчүүдийн анхны алтан медалийг У.Сүрэнжав авчирлаа

“Парис-2024” паралимпын наадмын эхний өдөр Монгол Улсаас алтан медальтан төрлөө. Олон улсын хэмжээний мастер У.Сүрэнжав Парисын тэнгэрт эх орныхоо далбааг мандуулж, төрийн дууллаа эгшиглүүллээ. “Парис-2024” зуны 17 дугаар паралимпын наадам өчигдөр эхэлж, Монголын тамирчдаас таеквондогийн эмэгтэйчүүдийн 52 кг-ын жинд У.Сүрэнжав алтан медаль хүртлээ. Тэрбээр паралимпын наадмаас алтан медаль хүртсэн Монголын гурав дахь тамирчин, тав дахь медалийг эх орондоо авчирч байгаа юм. У.Сүрэнжав нь паралимпын эмэгтэйчүүдийн төрөлд анхны алтан медалийг эх орондоо авчирлаа. У.Сүрэнжав 2023 оны ДАШТ-ий хүрэл, Азийн АШТ-ий алт, хүрэл медальтай ба “Ханжоу-2023” Азийн наадмын мөнгөн медальт тамирчин билээ.