Улсын ерөнхий прокурорын газраас өнөөдөр мэдээлэл хийхдээ Монгол улсын төр, нийгмийн нэрт зүтгэлтэн С.Зоригийг хэрцгийгээр хөнөөсөн хэрэгтэй холбогдуулан мэдээлэл өглөө. Төр, нийгмийн нэрт зүтгэлтэн С.Зоригийг хэрцгийгээр хөнөөсөн хэрэгт Б.Содномдаржаа, Т.Чимгээ нарыг буруутган гурван шатны шүүхээс ял оноосон хэргийг прокурорын байгууллагаас хэрэгсэхгүй болгосон юм.
Улсын ерөнхий прокурорын газрын Хэрэг бүртгэх, мөрдөн байцаах ажиллагаанл хяналт тавих хоёрдугаар хэлтсийн дарга Г.Гэрэлтуяа:
С.Зоригийн хэрэгт холбогдогчдын талаар мэдээлэл өглөө. Цагдаагийн ерөнхий газрын мөрдөн байцаах албаны хүнд гэмт хэрэгтэй тэмцэх хэлтэс энэ хэрэг дээр мөрдөн шалгах ажиллагаа явуулж байгаа. Мөрдөх байгууллагын зүгээс 2022 оны тавдугаар сараас эхлээд нийт гурван хүнийй холбогдсон энэ хэргийг эрүүгийн хэрэг үүсгэж яллагдагчаар татах саналыг хүчингүй болгох саналыг прокурорын байгууллагад хүчингүй болгох саналыг нийт таван даа гаргасан. Прокуророос өмнөх дөрвөн удаад нь хянаад мөрдөн шалгах ажиллагааг цааш үргэлжлүүлэн явуулах шаардлагатай гээд буцаасан бол энэ оны гуравдугаар сарын 15-нд мөрдөх байгууллагаас дахин энэ асуудлыг тавьсан. Өөрөөр хэлбэл тус гурван хүнд холбогдох хэргийг эрүүгийн хэрэгт яллагдагчаар татсан тогтоолыг хүчингүй болгох саналыг тав дахь удаагаа тавьсан. Прокурорын байгууллагаас хавтаст хэргийг хянаж үзээд Б.Содномдаржаа, Т.Чимгээ нарын гурван хүн С.Зоригийг хөнөөсөн гэх хэрэгт гэм буруутай нь хангалттай нотлох баримтаар тогтоогдоогүй байгаа учраас гэмт хэрэг үйлдсэн гэх үндэслэл байхгүй гэж үзсэн учир яллагдагчаар татах тогтоолыг хүчингүй болгосон.
Ингээд Прокурорын байгууллагын тухай хуулийн 10 дугаар зүйлийн дагуу НПГ-ын хэрэгсэхгүй болгосон тогтоолыг заавал дээд шатны прокурорын байгууллагаас хянах зохицуулалттай. Одоо бол хянан шалгах ажиллагаа НПГ-т явагдаж байна. Үүний дараагаар хэргийн оролцогч нарт тогтоолыг танилцуулна” гэлээ.
