Эрдэмтэд пирамид дотор 9 метр урт нууц хонгил байгааг илрүүлжээ

4500 жилийн турш нууцлаг олон  зүйлсээрээ дэлхийг гайхшруулж ирсэн Египетийн пирамидад өнөөг хүртэл дэлгээгүй олон нууц үлдсэн бололтой. 

Эрдэмтэд Гизагийн Их пирамидын гол хаалганы ойролцоо есөн метр урт далд хонгил олсон бөгөөд энэ нь хонгилоос дахин шинэ олдворууд олж магадгүй гэж Египетийн эртний эдлэлийн албаныхан өчигдөр мэдээлжээ. 

Египетийн эртний олдвор хариуцсан сайд асан Захи Хавасс пирамидын гадаа сэтгүүлчдэд өгсөн  мэдээлэлдээ энэ хонгилыг  21-р зууны хамгийн чухал нээлт гэж тодорхойлжээ. 

Египетийн Эртний олдворын яамнаас 2015 онд эхлүүлсэн “Скан пирамид” нэртэй төслийн ачаар шинэ талбайг ямар ч чулуу хөдөлгөлгүй, ухахгүйгээр олсон байна. Судлаачид сансрын туяаны дэвшилтэт сканнер болон 3D симуляцийг ашиглан 456 футын өндөр пирамидын хойд талын хөндийн зузаан шохойн чулуун хананы ардахыг ямар ч өрөмдлөг, малтлагагүйгээр ажиглаж харж чаджээ.

Хонгил 1.9 метр өргөн, 9 метр урттай ба урд талын хаалганы ойролцоох аварга том V хэлбэрийн хадны цаанаас олдсон байна.

Египетийн Эртний олдворын дээд зөвлөлийн гишүүн Мостафа Вазири “Энэ хонгил нь түүний доорх ямар нэг зүйлийг хамгаалж , түүн дээр очих даралтыг бууруулж байгаа байх. Эсвэл танхим ч байж магадгүй. Тун удахгүй бид энэ хонгилын нууцыг олж мэдэх болно” гэв. 

Дэлхийн аялал жуулчлалын хамгийн алдартай газруудын нэг Гизагийн Их пирамидыг МЭӨ 2566 онд нас барсан Фараон Хуфугийн булш болгон барьсан гэдэг ба пирамидыг барихад ойролцоогоор 10-20 жил зарцуулсан гэдэг.