Хойд Солонгосууд тагнуулын хиймэл дагуул бүтээж буйгаа зарлав. Энэ ажлын сүүүлийн шатны туршилтыг ням гарагт хийсэн бөгөөд 2023 оны дөрөвдүгээр сард багтаан дуусгахаар төлөвлөж байна гэж тус улсын төрийн хэвлэл мэдээллийн хэрэгслээр даваа гарагт мэдээлэв.
Тагнуулын хиймэл дагуул нь олон тооны камер, дүрс дамжуулагч, хүлээн авагч, хяналтын төхөөрөмжтэй, түүнийгээ хадгалах багтаамжтай ба Пхеньяны сансрын хөгжлийн үндэсний газар хиймэл дагуулын зураг авах, мэдээлэл дамжуулах болон газрын хяналтын системийн чадавхийг шалгахын тулд баруун хойд зүгт орших Сохае хиймэл дагуул хөөргөх станцдаа туршилт хийсэн байна.
“Бид сансрын орчинд камер ажиллуулах технологи, харилцаа холбооны төхөөрөмжүүдийн мэдээлэл боловсруулах, дамжуулах чадвар, газрын хяналтын системийг хянах, хянах нарийвчлал зэрэг техникийн чухал үзүүлэлтүүдийг баталлаа” гэж Пхеньяны сансрын хөгжлийн үндэсний газрын хэвлэлийн төлөөлөгч мэдэгджээ.
Хойд Солонгосын зүүн эрэг рүү дунд тусгалын хоёр баллистик пуужин харвасан тухай Өмнөд Солонгос, Японы арми мэдээлснээс нэг хоногийн дараа уг мэдээллийг хойдууд цацжээ .
