Төрийн алба хаагчдад олгох цалин, урамшуулалд ирэх оноос хэд хэдэн өөрчлөлт оруулах хуулийн төслийг УИХ-ын байнгын хороогоор хэлэлцэж эхэллээ.
Тоухайлбал, Төрийн захиргааны болон тусгай албан хаагчдын цалинг нэг суурьтай болгох юм байна. Ингэснээр 165 ялгаатай цалингийн системтэй байсан нь 20 ялгаатай цалинтай болох ажээ.
Төрийн албан хаагчдын ажилласан хугацааны нэмэгдлийг 5-10, 10-15 гэсэн хугацаагаар олгодог. Тэгвэл энэхүү нэмэгдлийг жил тутам олгодог болохоор төсөлд тусгажээ. Ингэснээр 1 жил ажилбал 1 хувь, 2 жил ажилбал 2 хувь, 3 жил ажилбал 3 хувь зэргээр ажилласан жилийн хугацаагаараа нэмэгдлээ тооцуулах ажээ.
Мөн төрийн ТҮ-ний ажилчдын цалинг 6-8 хувиар нэмэгдүүлэхээр төсөлд тусгасан байна. Орон нутагт ажилладаг төрийн захиргааны албан хаагчдад орон нутгийн нэмэгдэл өгнө, тухайн нэмэгдлийг орон нутгийн суурь зардал дээр нь 20 хувиар тооцож улсын төсвөөс олгон, үлдсэн 80 хувийг тухайн орон нутгийн төсвөөс олгох боломжтой гэж үзжээ. Дээрх арга хэмжээнд 168 мянга орчим төрийн албан хаагчид хамрагдана.
