Эрдэмтдийн хамгийн сүүлийн үеийн судалгаагаар үс шулуун болгох зориулалттай химийн бүтээгдэхүүнүүд эмэгтэйчүүдэд хорт хавдар үүсгэх эрсдэлтэйг олж тогтоожээ. Энэ төрлийн бүтээгдэхүүнүүд эмэгтэйчүүдийн даавартай холбоотой хөхний болон өндгөвчний хорт хавдар үүсэх эрсдлийг нэмдэг нь эрдэмтдийн өмнөх судалгаагаар ил болж байсан бол энэ удаад нэмээд умайн хүзүүний хорт хавдар үүсэх эрсдлийг ч нэмэгдүүлдэгийг баталжээ.
АНУ-ын Хавдар судлалын үндэсний хүрээлэнгийн сэтгүүлд даваа гарагт нийтлэгдсэн нийтлэлд дурдсанаар сүүлийн 12 сард үс шулуун торгомсог зөөлөн болгох химийн ямар нэг бүтээгдэхүүн хэрэглээгүй эмэгтэйчүүд 70 нас хүрэхэд умайн хүзүүний хавдар тусах магадлал 1,6 хувь байсан бол тогмтол ийм бүтээгдэхүүн хэрэглэдэг эмэгтэйчүүдийн магадлал 4 хувьтай гарчээ.
АНУ-ын хувьд умайн хүзүүний хорт хавдарын тохиолдол цөөн бөгөөд хэдий тийм ч энэ судалгаа үсний химийн бүтээгдэхүүн тогтмол хэрэглэдэг эмэгтэйчүүд хавдар тусах магадлал бусдаас хоёр дахин их үзүүлэлттэй байгаа нь анхаарах асуудал гэж эрдэмтэд үзсэн байна.
Судалгаанд АНУ-ын 35-70 насны 34 мянган эмэгтэйг хамруулсан байна. Яг үсний ямар брэндийн бүтээгдэхүүнүүд эрсдэлтэйг, тус бүтээгдэхүүнүүдэд орсон ямар химийн нэгдэл ийм эрсдэл үүсгэж байгааг хараахан тогтоогоогүй байгаа бөгөөд энэ талаар үргэлжүүлэн судлах юм байна.
Эх сурвалж CNN
