УИХ-аас баталсан 2022 оны төсөвт сар шинийн өмнө тодотгол хийхээр болсныг баттай эх сурвалж мэдээллээ. Тодотголын гол зорилго нь цар тахлын үед онцын шаардлагагүй хөрөнгө оруулалтуудыг танаж, эрүүл мэнд болон бусад нэн шаардлагатай салбаруудыг дэмжихэд чиглэж буй хэмээн албаны эх сурвалж тайлбарлав. Цар тахлын хуулийг УИХ-аас сунгасантай холбоотой нэмэлт зардлуудаа шийдүүлэх сонирхол Засгийн газарт бас бий.
Нөгөө талдаа МҮЭ зэрэг байгууллагаас цалин, тэтгэврийн хэмжээг нэмэгдүүлэх шаардлагыг тулгуухан тавьж буй. Багш нарын цалингийн доод хэмжээг 1 сая төгрөг байх санал хүртэл гарсан. Тийм болохоор төсвийн энэ удаагийн тодотголоор цалин, тэтгэврийн хэмжээг нэмэгдүүлж магадгүй гэсэн хүлээлт байгаа юм.
Улсын төсвийг тодотговол айма, нийслэл дагаад төсвөө тодотгоно. Нийслэлийн Засаг дарга Д.Сумъяабазар нийслдэлийн төрийн албан хаагчдын цалинг 50 хувиар нэмэгдүүлнэ гэдгээ ч мэдэгдсэн.
