Эрх баригч МАН-ын Удирдах зөвлөл өнөөдөр хуралдана. Энэ удаагийн хурлаар орон нутгийн сонгуульд оролцсон үр дүн болон бусад асуудал хэлэлцэхээр төлөвлөжээ. Үүн дотроос Улаанбаатар хотын даргад нэр дэвшүүлэх хүний нэрийг тодруулах асуудал олон нийтийн анхаарлыг татаж байна.
Тогтсон жишгээр бол нийслэлийн МАН-ын хорооны дарга Д.Сумъяабазар Хотын дарга болох боломжтой. Гэхдээ тэрбээр УИХ-ын гишүүн учраас суудлаасаа татгалзах магадлал тун бага. Хэрэв ийм үйлдэл хийвэл нөхөн сонгууль зарлахаас авахуулаад удаан хугацаа шаардагдана.
Хамгийн магадлалтай хувилбар бол Д.Сумъяабазар өөрийн итгэмжит хүнээ Хотын даргад зүтгүүлэх. Хэвлэлээр нэлээн олон хүний нэр яригдаж байгаа ч нийслэлийн ИТХ-ын одоогийн дарга Р.Дагва намын бодлого нэрийн дор Хотын даргад нэр дэвшээд ороод иирэх өндөр магадлалтай.
Гэхдээ МАН-ын залуучууд Р.Дагвыг дэмжихгүй байгаа дуулдсан. Тиймээс Д.Сумъяабазарын халаасанд цоо шинэ хүний нэр байгаа гэлцэж байна. Юутай ч өнөөдөр болох МАН-ын Удирдах зөвлөлийн хурлаар Хотын дараагийн даргын нэр тодорно. МАН бол намын бодлого гэх хуулиас ч давсан шахуу диктатуртай улс төрийн хүчин учраас гишүүд гэхээсээ илүүтэй дарга нарын шийдвэр хүчтэй байдаг онцлогтой.
