Норвегийн толгой баячуудын нэг болох Том Хагенийг эхнэрээ хөнөөсөн хэрэгт сэжиглэн баривчилжээ. Түүний эхнэр 2018 оны аравдугаар сард ажилдаа явахаар гэрээсээ гарснаас хойш сураггүй алга болсон юм.
Түүнийг хамгийн сүүлд Осло хотын нэгэн дүүрэгт харсан гэрч байгаа бөгөөд нэг этгээд утсаар 10.3 сая ам.доллар өгөхийг шаардаж, цагдаад мэдэгдвэл эхнэрийг нь хөнөөнө гэж сүрдүүлсэн талаар Хаген байцаалт өгсөн аж.
Хагас жилийн турш мөрдөн шалгасны эцэст мөрдөгчид хэргийг олон сарын турш урьдчилан бэлдэж, хулгайлж барьцаалсан мэт зохиомол нөхцөл бүрдүүлсэн байж болзошгүй гэж үзжээ. Мөн Том Хагеныг гол сэжигтэн хэмээн үзсэн байна.
Хаген өдгөө 70 настай бөгөөд эхнэртэйгээ 47 жилийн турш хамт амьдарсан, гурван хүүхэдтэй ажээ.
