Дэлхийн олон улс орон коронавирусний эсрэг вакцин гаргаж авахаар ажиллаж буй. АНУ-ын Вашингтоны дахь Эрүүл мэндийн шинжлэх ухааны институт өчигдөр буюу 03 дугаар сарын 17-нд коронавирусний эсрэг вакциныг хүн дээр туршиж эхэлжээ. Вашингтоны Сиэтл дэхь эмнэлэгт COVID-19 туршилтыг эхлүүлсэн бөгөөд сайн дурын 45 халдвартай өвчтөнд эхний тунг тарьсан байна. Хамгийн анхны вакцин тариулсан хүн 43 настай хоёр хүүгийн ээж Жэннифер Холер энэ үйл ажиллагаанд оролцож, вакциныг тариулна гэдэг надад гайхалтай боломж гэж хэлсэн байна.
Вашингтоны дахь Эрүүл мэндийн шинжлэх ухааны институтийн захирал Кэйсэр Перманентэгийн хэлснээр вакциныг янз бүрийн тунгаар тарьж турших ба зургаан долоо хоног вакциныг өвчтөнүүдэд тарьж, 28 хоногийн дараа хоёр дахь тунг тарих юм байна. Үүний дараа цусны шинжилгээг авах бөгөөд үүгээр эрдэмтдийн найдлага тавьж буй вакцин үр дүнгээ өгөх эсэх нь баттай харагдах ажээ.
Вакцин амжилттай болвол 18 сарын дараа худалдаанд гарах юм байна.
ОХУ-ын эрдэмтэд ч коронавирусний эсрэг вакцин бүтээхээр ажиллаж буй бөгөөд ирэх зургадугаар сар гэхэд гаргаж авна гэж мэдэгдээд байгаа юм.
