Өчигдөр тусгай үүргийн онгоцоор ирсэн гурван эмэгтэйгээс коронавирусний халдвар илэрсэн бол өнөөдөр дахин нэг эмэгтэйн шинжилгээ баталгаажсанаар манай улсад уг вирусний тав дахь тохиолдол бүртгэгдлээ. Тодруулбал, өчигдөр Берлин-Улаанбаатарын тусгай үүргийн онгоцоор ирсэн 35 настай эмэгтэйн шинжилгээний хариу эерэг буюу халдвартай гарсан байна. Тухайн иргэн Италиас ирсэн бөгөөд хавьтлыг тогтоон судалх ажил эхэлжээ. Одоогоор биеийн байдал тогтвортой байгаа аж. Германаас ирсэн зорчигчоос онгоцонд хол суусан тул ойрын хавьтал нь биш гэж үзжээ.
Ер нь Улсын онцгой комиссоос гадаадаас ирж буй иргэдийг тэр дундаа Итали, Иран, Солонгос гэх мэт сэжигтэй бүсээс ирсэн иргэдийг ХӨСҮТ-д хүлээн авч онош тодруулж байгаа нв зөв тактик болж байна гэж Эрүүл мэндийн яам мэдээллээ.
ДЭМБ-ын зөвлөгөө зааврын дагуу 5 тохиолдлын хүмүүсийг эмчилж байгаа, одоогоор бүх хүний биеийн байдал тогтвортой, эм тариа хангаллтай байгаа гэж Эрүүл мэндийн яамнаас мэдээлэв.
