“Chiristian Louboutin” 2020 оны хаврын цуглуулгадаа эдгээр сонирхолтой загваруудыг багтааснаа Парис фэйшн долоо хоногоор танилцууллаа. Танил хээ, угалз байгаа биз. Франц загвар зохион бүтээгч маань эдгээр 13 загвараа Бутан улсыг танилцуулах зорилгоор бүтээжээ Гар аргаар зурж урласан модон ултай уг загваруудыг бүтээхийн тулд Бутаны урлагийн сургуулийнхантай 6 жил хамтарч ажилласан байна.
Бутаны хаан, хатан хоёртой тэрээр дотно харилцаатай бөгөөд анх Энэтхэг найзынхаа зөвлөсний дагуу Бутанд очиж үзэж байсан гэнэ. Бутан улс ямар үзэсгэлэнтэй, өнгөлөг болохыг, Бутан хүмүүсийн сайхан сэтгэлийг би харуулахыг хүссэн гэж тэрээр ярьжээ. Ийм загварын гутлаа 1200 ширхэгийг л үйлдвэрлэсэн бөгөөд 1250 ам долларын үнэтэй борлуулах юм байна.
