“Facebook” нийгмийн сүлжээ нь болзох үйлчилгээгээ АНУ-д пүрэв гарагт нэвтрүүлж, Канад, Колумби, Аргентин, Мексикт туршилтаар ажиллуулж эхэлжээ.
“Facebook” компанийн мэдээлснээр уг үйлчилгээг 18 нас хүрсэн жинхэнэ аккаунттай хүн бүр ашиглах боломжтой аж. Хэрэглэгчид өөрсдийн “Instagram болон“Facebook”-ийн хаягаа болзох профайлаар өргөжүүлэх боломжтой бөгөөд “Secret Crush” хэмээх жагсаалтад 9 хүнийг сонгон оруулах аж. Хэнийг уг жагсаалтад оруулсан нь бусдад мэдэгдэхгүй бөгөөд чиний “Secret Crush” жагсаалтад оруулсан хүн эргэж чамайг уг жагсаалтдаа багтаавал хэн хэнд нь “Facebook”-ээс мэдээлэл ирэх юм байна.
“Facebook”, “Instagram” нийгмийн сүлжээний хэрэглэгчид уг үйлчилгээнд сайн дураараа нэгдэх бөгөөд хэрэглэгчдийн болзооны талаарх мэдээлэл бусад хүмүүст харагдахгүй гэнэ.
Энэхүү мэдээ цацагдсаны дараа “Facebook” компанийн хувьцаа 2 хувиар өсчээ.
