“Тал нутгийн Монгол -2019” олон улсын марафон гүйлтийн тэмцээн 1996 онд анхны гараагаа нээсэн гэдэг. Монгол орны тал нутагт зохион байгуулагдаж, жилээс жилд залуу тамирчдаар хүрээгээ тэлж буй уг тэмцээнд гадаад, дотоодын гүйлт сонирхогчид оролцож, тухайн өдрийг “спортлог өдөр” болгон өнгөрүүлдэг онцлогтой.
Монголын хөнгөн атлетикийн холбооны “Тал нутгийн Монгол” олон улсын марафон гүйлтийн 23 дахь удаагийн тэмцээн энэ сарын 08-нд Хүй долоо худагт болох нь. Өсвөр үе, насанд хүрэгчид, ахмад, хөгжлийн бэрхшээлтэй иргэд гэсэн дөрвөн насны ангилалд өрсөлдөх тамирчид 3 км, 5 км, 10 км, 21км-ийн зайд уралдана.
