Швейцарийн Лозанн хотын Архелогийн музейд нэгэн сонирхолтой үзмэр тавигджээ. Тодруулбал, Швейцарийн Женев нуурын эрэг орчмын эртний булшнаас олдсон МЭ-ний V зуунд амьдарч байсан Хүннү угсаатай эмэгтэйн гавлын яснаас амьд ахуй үеийнх нь дүр төрхийг сэргээж түүнийгээ олонд ил болгосон байна. Эмэгтэйн гавлын ясны дээд хэсэг зуйвандуу байсан бөгөөд үүнийг музейн зүгээс тайлбарлахдаа нялх хүүхдийн толгойг боох маягаар гавлын ясыг нь зориуд деформацид оруулдаг байсан байж магад гэж үзсэн байна. Учир нь эртний Египетэд ийм заншил байсан бөгөөд манжуудын дунд ч зориуд хавтгай дэр дэрлүүлж дагзыг хавтгайруулах зэрэг заншил байдаг байж.
