Австралид тариалсан гүзээлзгэнүүдээс зүү гарч ирсэн хэд хэдэн тохиолдлууд илэрч хэрэглэгчдийг айдаст автуулан тус улсын Засгийн газрыг сандралд оруулсныг бид өмнө нь мэдээлсэн. Тэгвэл уг хэргийн гэм буруутнаар 50 настай эмэгтэйг баривчлан шалгаж байна. Тэрээр Брисбэйний хойд хэсэгт байрлах Вамуран тосгоны нэгэн аж ахуйд ажилладаг байсан бөгөөд өшөө авахын тулд ийм зүйл хийсэн гэж мэдүүлжээ. Тэрээр хамтран ажиллагсадтайгаа таарамжгүй байсан нь ийм тэнэг хэрэг хийхэд хүргэсэн бололтой. Түүний шүүх хурал энэ сарын 22-нд болох юм байна. Тэрээр буруутай нь тогтоогдвол 10-15 жилийн ял авах ажээ.
Анх нэгэн эр “зүүтэй” гүзээлзгэнийг идэж эмнэлэгт хүргэгдсэнээс хойш 100 гаруй ийм гүзээлзгэнэ илэрч хураагдсан юм.
