Хайрхан аялагч клубыг үүсгэн байгуулагчдын нэг, уулын спортын мастер Жагдалын Бямбасүрэн энэ оны 5 дугаар сарын 16-ны өдөр дэлхийн дээвэр Эверестийн оргилд гарсан билээ. Тэрээр өнөөдөр Улаанбаатарын цагаар 09:36 цагт Түвд Хятадын хилийн заагт орших дэлхийн 4 дэх өндөр уул Лхоце хайрханы дтд-8516 метрийн оргилд бараалхсан байна. 
Монголын уулчид дэлхийн өндөр уулсад ийнхүү авиралт хийж, олон улс, тив дэлхийн чанартай уулын спортын уралдаан тэмцээнүүдээс медаль авчирч байгаа нь 60 жилийн түүхтэй уулын спорт зах зээлийн үеийн хямралын үед тасарсан буухиаг эргүүлэн авчирлаа.
