Их Британийн хунтайж Харри болон Америкийн жүжигчин Меган Маркл нарын хуримын ёслол хэдхэн өдрийн өмнө болж дэлхий нийтийн анхаарлыг татсан. Анх 2016 оны 06 дугаар сараас эхлэн үерхэж эхэлсэн хосуудын хурим тун ч нижгэр болж 600 гаруй зочид цугласан юм.
Тэгвэл хуримын дуулиантай хамт Меган Марклын зүүсэн нэгэн бөгжний тухай яриа олонд хүрээд авсан . Эрхэмсэг гүнжийн зүүсэн далайн цэнхэр өнгөтэй бөгж анхаарал татсан нь тэр юм. Тэр бөгж нь Диана гүнжийн бөгж бөгөөд түүнийг нас барсны дараа хоёр хүү нь ээжийнхээ үнэт эдлэлүүдийг хувааж авсан гэдэг. Ханхүү Харри сүйн бөгжөөс гадна ээжийнхээ тэрхүү бөгжийг эхнэртээ бэлэг болгон өгсөн бололтой. Үүнээс өмнө ханхүү Уильям ч гүнж Кейтэд ээжийнхээ бөгжнөөс бэлэглэж байсан түүхтэй.
