Тайваньд “Рагаса” хар салхи хүчтэй аадар борооны улмаас нуурын эрэг сүйрч, 17 хүн амиа алдаж, 17 хүн сураггүй алга болжээ. Энэ жилийн хувьд дэлхийн хамгийн хүчтэй шуурга гэж тооцогдож буй Рагаса хар салхи Тайвань, Филиппин болон Хятадын өмнөд хэсгийг дайрсан юм.
Энэхүү шуурганы улмаас Азийн хэд хэдэн мега хот лхагва гарагт зогсонги байдалд оров. Тухайлбал. Хонконгийн гудамжууд эзгүйрч олон улсын нисэх онгоцны буудалд хэдэн зуун нислэг цуцлагдаж, сургуулиуд үүдээ барьж Хятадын хэд хэдэн хотод супермаркетуудын тавиурууд хоосорчээ. Хятадын өмнөд хэсгийн эдийн засгийн хүчирхэг төв болох Гуандун мужид гэхэд хоёр сая орчим хүнийг нүүлгэн шилжүүлжээ.
Филиппинд Рагаса хар салхины улмаас гурван хүн амиа алдсан байна.
