Ирэх сарын 03-ны өдөр болох Чөлөөлөх дайны ялалтын 80 жилийн ойн баярын цэргийн ёслолын жагсаалд оролцох Монгол Улсын Зэвсэгт хүчний алба хаагчид удахгүй ОХУ-ын Хабаровск хотыг зорино. Дэлхийн хэд хэдэн орны Зэвсэгт хүчний хайрцаг оролцох энэхүү цэргийн ёслолын жагсаалд Монгол Улсын Зэвсэгт хүчнээс 50 гаруй цэргийн алба хаагчдын хайрцаг оролцоно.
Монгол цэргүүдийн ёслолын жагсаалыг Зэвсэгт хүчний 186 дугаар ангийн захирагч дэд хурандаа Сүхбаатарын Ариунболд командалж, салааны захирагчаар хошууч Б.Уранбаатар, хошууч А.Цогтбилэг, тугчаар дэд ахлагч Т.Бямбадэлгэр, тугийн хамгаалагчаар дэслэгч Т.Нямдорж, дэслэгч М.Гантулга нар алхана.
Парад алхах бүрэлдэхүүн нь Монгол Улс, ОХУ-ын Зэвсэгт хүчний хамтарсан “Сэлэнгэ-2025” хээрийн сургуульд оролцсон алба хаагчид бөгөөд Зэвсэгт хүчний 8 ангийн офицер, ахлагч нар багтжээ.
#чөлөөлөх_дайны_ялалтын_80_жил
#ялалтаар_баталгаажсан_тусгаар_тогтнол
Монгол цэргүүд Хабаровск хотыг зорино
