Нийслэл Улаанбаатар хотын иргэдийн баяр буюу “Хүрээ цам-Даншиг наадам-2025” наадмаар гадаад бөхчүүд барилдах болсныг Монголын Үндэсний бөхийн холбооноос мэдээллээ. Хүрээ цам-Даншиг 2025 наадам нь энэ сарын 28, 29-ний өдрүүдэд Хүй долоон худагт зохион байгуулагдана.
Уг наадамд Тува болон БНСУ-ын найман бөх уран мэх уралдуулан барилдах болжээ. Тува улсын заан Монгуш Айдын, Түлүш Сайнбилэг, улсын арслан Куулар Мөнгөн-Эрдэнэ, улсын харцага Хомушка Эрдэнэ, Куулар Мөнгөн-Эрдэнэ нар Багахангай дүүрэгт 2023 онд үзүүрлэж байв.
Харин Өмнөд Солонгосын талаас Үндэсний Шрым бөхийн аварга Чой Жун Ман, Ким Мин Жэ, Ча Мин Сү нар энэ наадмаар барилдахаар бүртгүүлсэн байна.
