Мэргэжлийн сүмогийн отгон ёкозүна Хошорюү С.Бямбасүрэн өчигдөр шинэ ёкозүнад олс томох ёслолын арга хэмжээнд оролцлоо. Энэ үйл явдал Токио хотын Тацүнами дэвжээнд болсон байна.
Өдгөө 25 настай С.Бямбасүрэнгийн хувьд өнгөрсөн лхагва гарагт мэргэжлийн сүмогийн 74 дэх их аваргаар тодорсон билээ. Түүний олс томох ёслолд Тацүнами дэвжээний Дэваноүми “ичимон”-д харьяалагддаг бөхчүүд оролцож, хоёр цаг гаруй шинэхэн ёкозүнагийн ёслолдоо бүслэх цагаан олсыг томжээ.
Харин Хошорюү С.Бямбасүрэнд ёкозүнагийн ёслолын дэг журам, зан үйлийг ёкозүна асан Мусашимарү буюу Мүсашигава ояката заасныг мэдээлжээ. Хошорюү С.Бямбасүрэнгийн олс өмнөх аваргуудынхаас илүү зузаан бөгөөд 7.8 кг жинтэй.
