Үндэсний аудитын газар 2024 оны дөрөвдүгээр сарын 22-24-нд УИХ-ын 2024 оны сонгуульд бие даан өрсөлдөх 77 иргэний мөрийн хөтөлбөрийг хүлээн авчээ. Хуульд заасан дээрх хугацаанд багтаан нийтдээ 77 иргэн мөрийн хөтөлбөрөө хүргүүлэв. Мөрийн хөтөлбөр нь холбогдох хуулийн шаардлага хангаагүй тохиолдолд 2024 оны тавдугаар сарын 07-ны өдрийн дотор тухайн бие даан нэр дэвшигчид мэдэгдэж, тавдугаар сарын 08-аас 14-ний өдрүүдэд зөвлөмж өгч, алдаа зөрчлийг засуулах юм байна.
Улмаар тус газар нь 2024 оны тавдугаар сарын 24-ний өдөр бие даан нэр дэвшигчийн мөрийн хөтөлбөрт гаргасан дүгнэлтийг нэгтгэн Сонгуулийн ерөнхий хороонд хүргүүлэх хуулийн зохицуулалттай.
