Б.Бат-Эрдэнэ: 1000 га газрын эрхийг цуцлахад маш их эсэргүүцэлтэй тулж, маш их хараалгасан

Байгаль орчин, аялал жуулчлалын яамнаас хуулийн зөрчилтэй  456 иргэн, хуулийн этгээдийн ашиглаж байсан 993.54 га газрын эрхийг цуцалжээ. Байгаль орчин, аялал жуулчлалын сайд Б.Бат-Эрдэнийн хэлснээр түүнийг анх ажлаа авахад Богд хаан ууланд бараг 10 мянга орчим га барилгажих талбай байсан бөгөөд өнөөдрийн байдлаар барилгажсан талбай нь 3 мянга орчим га талбай байгаа ажээ.  5594 га газрыг БОАЖЯ-наас хамгаалалтын бүс рүү шилжүүлсэн ба энэ нь энэ хэмжээний талбайг барилгажихаас аварч үлдсэн гэж сайд хэлэв. Бараг 1000 га газрын эрхийг цуцлахад маш их эсэргүүцэлтэй тулж, маш их хараалгасан. Өмнө нь мөнгө төлөөд гаар авсан авилгын асуудал ч энд байсныг үгүйсгэхгүй гэж Байгаль орчин, аялал жуулчлалын сайд Б.Бат-Эрдэнэ хэллээ.