Мөс цөмөрч живсэн иргэнийг эсэн мэнд аварчээ

Хөвсгөл аймгийн Мөрөн сум “Дэлгэрмөрөн” голын мөсөн дээгүүр явганаар зорчин явсан иргэн Д голын мөс цөмөрч орсон дуудлага Хөвсгөл аймгийн Онцгой байдлын газарт иржээ. Дуудлагын дагуу тус аймгийн Онцгой байдлын газрын Эрэн хайх, аврах салбарын алба хаагчид ажиллаж, иргэн Д /59 настай, эрэгтэй/-г эрэн хайх ажиллагааг зохион байгуулан “Дэлгэрмөрөн” голын 1.7 метрийн гүнтэй уснаас гарган анхны тусламж үзүүлэн, эсэн мэнд хүлээлгэн өгсөн байна.