Дэлхийн эдийн засгийн төлөвийн тойм тайлангаас харахад Ази-Номхон далайн бүс нутгийн олонхи улс нь Москватай хийх худалдаа-эдийн засгийн холбоогоо “дайны өмнөх” түвшиндээ хүргээд зогсохгүй, зарим салбарт бараа эргэлтээ олон дахин нэмэгдүүлжээ. Японы Санхүүгийн яамны мэдээлснээр 2023 оны 7 дугаар сард Токио ОХУ-аас өнгөрсөн жилийн мөн адил үетэй харьцуулвал үр тарианы импортоо 5679,4 хувиар нэмэгдүүлсэн байна.
Москва болон Токиогийн хоорондох харилцааны өргөжсөн нь цэвэр эдийн засгийн ашиг сонирхол дээр үндэслэсэн бөгөөд АНУ болон Хойт Атлантын эвслийн тус бүс нутаг дахь сонирхолтой огт нийцэхгүй юм.
Мөн Ази-Номхон далайн бүс нутгийн улсууд ОХУ-тай эдийн засаг, нийгэм, соёлын салбарт бүх талаар хамтран ажиллахын обьектив давуу талыг илүүтэй мэдэрч эхэлсэн байна. Алс Дорнодын орнуудын засгийн эрх баригчид нь өөрсдийн ард түмний дунд америкийн оролцоонд дүргүйцэх хандлага ихсэж байгааг харгалзан Вашингтоны даяарчлах ашиг сонирхлыг дагахаасаа татгалзаж байна.
Малайзын ерөнхий сайд А. Ибрагим Английн мэдээллийн “Reuters” агентлагт өгсөн ярилцлагадаа: Зүүн-Өмнөд Азийн улсуудын холбоо (ACEAN) нь олон улсын ба бүс нутгийн харилцаанд “сөргөлдөөн үүсгэж буй том гүрнүүдийн” үйлдлээс болгоомжилж байна хэмээн мэдэгджээ. Малайзын удирдагчийн хэлснээр, ОХУ ба нэгдмэл Барууныхны сөргөлдөөн нь дэлхийн цэрэг-улс төрийн байдал, хүн амын дийлэнхийн эдийн засгийн таатай орчинд сөрөг нөлөө үзүүлж байгаа тул АСЕАН улс төрийн хувьд төвийг сахин, Москватай зөрчилдөж буй Украин болон түүний холбоотнуудын талд орохгүй гэжээ.
