БНСУ-ын Сөрөг хүчний удирдагч Ли Жэ Мён өнөө өглөө зүүн өмнөд нутгийн Пусан боомт хотод айлчлах үеэр хүзүүндээ хутгалуулсан бөгөөд шарх нь амь насанд аюул учруулахгүй ч их хэмжээний цус алдалтаас болгоомилж байна гэж албаныхан мэдэгдээд байна. Солонгосын гол сөрөг хүчин АН-ын дарга Ли Пусан хотын Гадеок арлын шинэ нисэх онгоцны буудлын ажилтай танилцаж яваад өглөөний 10:27 цагт үл таних этгээд хүзүүнийхээ зүүн талд хутгалуулжээ. Ли-г ухаантай байхад нь Пусан улсын их сургуулийн эмнэлэгт яаралтай хүргэсэн бөгөөд хүзүүнд ойролцоогоор 1 см-ийн шарх үүссэн тул яаралтай эмчилгээ хийлгэж хагалгаанд оруулахаар Сөүлийн их сургуулийн эмнэлэгт хүргэжээ.
Энэ үеэр хэвлэлийнийнхэн хамт байсан ба телевизийн шууд дамжуулалтын бичлэгт олны өмнө зогсч байсан үл таних эр Ли рүү гэнэт үсэрч очиж, хүзүү рүү нь цохиход Ли арагшаа унаж буй дүрс үлджээ. Үүний дараа халдлага үйлдсэн этгээдийг хамгаалалтын албаныхан газар унагаж саатуулсан байна.
